Janǵa jay, júrekke jalın kirgizip,Arttır oqıǵannıń kúshin, qosıǵım.Qozǵaltıp deneni tamır júrgizip,Kórset aldaǵınıń isin, qosıǵım.
Jansızǵa jan berip, kirgizip sezim,Iske jigerlendir hár awız sózim,Sulıwlıǵıń tartıp kórgenniń kózin,Súysindirsin formań seniń, qosıǵım.
Marjanın diz sózdiń oyıma alǵan,Kómegińdi kórset, waǵımda tolǵan,Doslardı alǵa tart, keyinlep qalǵan,Qıyaldı sharıqlap meniń, qosıǵım.
Tań nurınıń qushaǵında quwanıp,Qolına jeńistiń bayraǵın alıp,Alda júrgen erdiń ǵayrattı salıp,Jeńisli islerin kórset, qosıǵım.
Sen ushın waqtımnıń kóbi ótedi,Oy menen on barmaq xızmet etedi,Sıya, qálem, qaǵaz, húrmet ctedi,Xalqım ushın xızmet atqar, qosıǵım.