Dáli Nazbergenov — belgili shayır hám jurnalist.
D. Nazbergenov 1913-jılı Końırat rayonında tuwılǵan. 1919-jılı házirgi Nókis rayonınıń Kutankól awılına kóship keledi. 1933-jılı Tórtkúldegi awıl xojalıq texnikumın pitkerip, Qaraózek rayonında agranom bolıp isledi. 1934-38- jılları “Qızıl Qaraqalpaqstan” gazetasında bólim baslıǵı, juwaplı xatker boldı. Ol 1942-jılı Jazıwshılar awqamınıń baslıǵı bolıp saylandı. D. Nazbergenov 1942-jılı samolet apatınan qaytıs boldı. Shayırdıń qosıqları 30-jıllardın ortalarınan baslap járiyalandı. Onıń “Baxıt nurı” (1936), “Qosıqlar” (1939), “Biz jeńemiz” (1942), “Tańlamalı shıǵarmaları” (1950-1955), “Shıǵarmaları” (1958-1966) toplamları járiyalanǵan. D. Nazbergenov 1939-jıldan Jazıwshılar awqamınıń aǵzası.