Seni desem, tuwılǵan awılım,Kewilim tasa beredi.Ámiw yańlı jaslık jırımTolqınlasa beredi.

Kelerde de, keterde deSoǵar tolqıp júregim.Alsam kerek, awılım, sennenMuhabbattıń deregin.

Til jetpestey súykimli-aw,Hár aǵashıń, hár jayıń.Kelsem kútip, ketsem qalmayUzatadı hárdayım.

Quslarıńnıń sesti tanıs,Kóz toydırar hár giyań.Tartar-turar, bol meyli alıs,Bar bir bólek márgiyań.

Kórkeyter hám kórk súydirer,Awıldıń kórkem dalası.Júrekti terbep, jiger bererMiynettiń tasqın arnası.

Baǵıńa kirsem, qosıp shıray,Jas gúldey kórkemlenemen.Shadlıq tasıp, sayray-sayrayBaǵdıń búlbúlimen deymen.

Bunday sezim mende emes tek,Million-million jasta bar.Eldiń ıshqı kewil terbep,Awılım, sende baslanar.