Muqıyatlap bir gez óziń búklegen,Saqlawlı tur úyde xatıń aqırǵı.«Duway-duway sálem Orlovtan» — degen,Jazıwlarıń meni jolǵa shaqırdı.
Seni izlep qansha jerlerdi bastım,Talay mármer tasqa tigildi kózim.Talay qábir menen únsiz sırlastım,Biraq, taptırmadı atıń ya iziń...
Negılayın tariyx penen tiresip!Túbinde sen bir qábirge túskenseń...Sen qaytpadıń baxtım ushın gúresip,Baxtım barda sum ájelge ústemseń!
— XX ásir qaraqalpaq poeziyası antologiyası