Ózbek xalqı óz aǵamız deymiz biz,Ámiw, Sırday bir tutasqan irgemiz.Bir anadan tuwǵan egiz uldaymız,Ullı iste, gúreslerde birgemiz.

Bir tamırdan ósken ǵumsha gúldeymiz,Bir-birewge «sen» demeymiz, «Siz» deymiz.— Kim ózbekıiń tuwǵan jaqın inisi? —Degen waqta, — Qaraqalpaq! Biz, — deymiz.

Birge atqan biziń ıǵbal-tańımız,Máńgi birge biziń júrek-janımız.Aǵa, úke bolıp ósken ozaldan —Qanalaspız, bir qosılǵan qanımız.

Egiz ulday bir emshekti emgenbiz,Bir almanı teńdey bólip jegenbiz.Qaraqalpaq qız uzatsa Ózbekke —Bar biziń de ayday ózbek jeńgemiz.

—Ayrılmas dos kim? — degende, — Biz!—deymiz,Birge jasap, bir maqsetti gózleymiz.Tolıp-tasıp haqıyqatın aytqandaBir gewdeniń qos shıraǵı — kózdeymiz.