RUWXÍY BAYLIQ

Dúnya-múlkim, úyim-jayım hám turqım,Baylıq emes, jarlı bolsa ruwxıy.Kúlip turǵan keleshekti kórmesem,Qol shappatlaw ornına qol sermesem.Gúl menen tikenniń parqın bilmesem,Qushaqtı toltırıp gúlin termesem.Zamanımnıń shadlıǵına berilip,Ketip qalsam qıyınıńnan erinip.Jılaytuǵın jerde tursam shad bolıp,Ketip qalsam jaqsı menen jat bolıp.Júrmeytuǵın jerden júrsem udayı,Jaqsılıqqa bola almasam pidayı.Ustazlardı qádirdanım kórmesem,Ullılıqtı kóz-kóreki jerlesem.Som altındı altın emes dep tursam,Jaqsılardı jaman iytke qaptırsam.Aqıllını aqmaq adam bul desem,Keliw kerek jerge jetip kelmesem.Quwanbasam shadlıǵına basqanıń,Qıylanbasam qamlıǵına basqanıń.Júre almasam Watanıma ul bolıp,Ketip qalsam qulqınıma qul bolıp.Túsinbesem ah shekkenin adamnıń,Dúnya-múlkke másirgeniń nadannıń.Nırqın durıs qoya almasam qımbattıń,Súyip qalsam arzan qollı sımbattı.Igın shalsam kelte qonısh adamnıń,Onda meniń pás bolǵanı sanamnıń.Jaqsı turıp jalbıransam jamanǵa,Onda maǵan ırza bolmas anam da.Kókiregi soqırlarǵa kúyemen,Ruwxıy bay adamlardı súyemen.