Birinshisi emes edi bul,Sońǵısı da emestey maǵan.Inanǵıshlıq jaqsı-aw, qurǵır,Tek usınday pánt jeseń jaman.
Isenbeyin desem bolmaydı,Jadırap turıp sóyler ol naysap.Suwınayın desem qoymaydı,Dostım deyip erer qıysańlap.
Bir-birewdi taslap ketpedik,Dos-ek nandı bólisip jegen.Birge júrip neler etpedik,Eki júzli pıshaqtay eken.
Kelgen waqta jeme-jemege,Sırlarımdı pash etip saldı.Juwıp-shayǵan bolar jáne de,Meniń awzım ashılıp qaldı.
Birinshisi emes edi ol,Sońǵısı da emestey maǵan.Inanǵıshlıq jaqsı-aw, qurǵır,Tek usınday pánt jeseń jaman.
— XX ásir qaraqalpaq poeziyası antologiyası