Bala dese ıqlas nege artadı? —Geyde urıssam, muhabbatım bar taǵı.Ne duwası bar ekenin bilmedim,Márgiyası júregimdi tartadı.
Jigit boldım jaslayımnan úylenip,Shad turmısta jasasam da sıy kórip.Jaqsı uya salıwdı da bilmeppen,Eń bolmasa qurqıltaydan úyrenip.
Uldı-qızdı mápelediń, terbetiń,Mine, búgin ústindeseń húrmettiń.Qartayǵanda qayta bala bolarsań,Sonda esap, erkeletse perzentiń.
Ul perzentiń — quwanıshlı toyxanań,Qız perzentiń — barıp keler bayqalań.Jaqsı perzent — ómirińniń qanatı,Qartayǵanda jasartadı qaytadan.
Uyasınan qus ta sezim aladı,Hárbir nárse negizine baradı.Atasına usamaydı deseń de,
— XX ásir qaraqalpaq poeziyası antologiyası
Hámme nárse bara-bara tozadı,Oy toqıydı qıyalımnıń qozaǵı.Tozbaq emes bala ushın muhabbat,Barǵan sayın azıwlatar azabı.
Tek sulıwlıq — mázi bettiń boyawı,Bara-bara ol da túsin joyadı.Eń gózzallıq, aqıl menen miynette, —Solar ǵana ataǵıńdı jayadı.
Adam boyı alasa dep tırıspa,Pil de onnan artıp túspes alısqa.Kip-kishkene balanıń da qıyalı,Aydan ótip, barıp qaytar Marsqa.