PAL HÁRRESI YAŃLÍ IZLEDIM SENI
Shaniyaz MámbetmuratovJaslıǵımdı kún nurına nurlatıp,Tolqınlap eskende báhárdiń lebi.Sap ıshqıńa qıyalımdı urlatıp,Pal hárresi yańlı izledim seni.
Ertlep minip kókte oynaǵan jasıldı,Dalalarǵa gúlden toqıp atıńdı,Tolqın bolıp súyiw ushın shashıńdı,Pal hárresi yańlı izledim seni.
Seni izlep shıǵıp shıńlar basına,Saǵan arnap ǵumsha úzip asıǵa,Máńgi qanat qaǵayın dep qasıńda,Pal hárresi yańlı izledim seni.
Ómir asıp, jasıl jazıq, jol asıp,Aqırında seni taptım sorasıp,Ketken mınaw tabıslarıń ulasıp,Pal hárresi yańlı izleter seni.
— XX ásir qaraqalpaq poeziyası antologiyası