JÚREK OTÍ

Qolǵa sazlap duwtarımdı alayın,On eki perdeden nama shalayın.Júrek otı qızıwıńdı ber maǵan,Qaharman xalqıma sawǵa qılayın.

Gewdemdi men jelge qarsı kereyin,Oy túbinen sóz marjanın tereyin.Júrek otı jigerimdi jılıt sen,Qızıwımdı xalqım ushın bereyin.

Tebirentip júregimniń pernesin,Shertkenimdi dos-yaranlar serlesin.Doslarıma quwat berip jılıtıp,Júrek otı suwımasın, sónbesin.

Oysız bolsam, xalıq natıq demes pe,Hesh haqım joq watan ǵamın jemeske.Júrek otı shıǵar ishten jalındı,Jamanlar tek kúyip ketsin kelmeske.