Biziń úlke bay shegine kóz jetpes,Dúnyada jan bar ma atap sóz etpes.Miyman bolıp kelse doslar qay jaqtan,Qádirdan elimdi maqtamay ketpes.

Biziń úlke jaynap, bólengen nurǵa,Shayırlar táriyiplep qosadı jırǵa.Siz jaslar óskensiz usı úlkede,Shınıǵıp gúreste, suw menen qırda.

Kózge túsip júrsiz azamat bolıp,Iste texnikanı meńgerip tolıq.Kerek bolsa minip ushqır lunoxod,Ayǵa da jetesiz kók júzin sholıp.

Sizlersiz keleshek turmısqa tirek,Miynette sharshamas batır, er júrek.Paxta egip, jaylar salıp, teńizde,Júzdirsek paroxod, bizge siz kerek.

Sol ushın úlkendi aǵa, — dep sıylap,Kishini úke, — dep, etpeńler qılap.El aldında bergen wádeń xalıqqa,Shubhasız shın bolsın, bolmasın ol lap.

Tek sonda baxtıńız ólshewsiz artar,Ádep-ikramlılıǵıń júrekti tartar.Watan iygiligi ushın bas qosıp,Bir adamday bolıp sap tartıń qatar.