Seydabulla Pirjanov — shayır.
S. Pirjanov 1940-jılı 2-fevralda Shımbay rayonındaǵı Keńes awılında tuwılǵan. Ol orta mektepti pitkerip awıl xojalıǵı jumısında isleydi, 1967-jılı Qaraqalpaq mámleketlik pedinstitutın tamamlap, Qaraqalpaqstan televideniesi hám radio esittiriw komitetinde, Qaraqalpaqstan Jazıwshılar awqamında, “Ámiwdárya” jurnalında isleydi.
    Shayırdıń “Gúldáste” (1972), “Bayterek” (1975), “Sayaxattı súyemiz” (1977) “Jaǵıs” (1978), “ Kırkınshı báhár” (1981), “Qıyal qanatı” (1984), “Balalıqtıń bir kúni” (1987), “Ómir aǵısı” (1990), “Jasıl jaǵıs” (1995) degen qosıqlar hám poemalar toplamları basılgan.
    Ol “Qaraqalpaqstan Respublikasına miyneti sińgen mádeniyat xızmetkeri” ataǵınıń iyesi hám Qaraqalpaqstan Respublikası Jokarǵı Keńesiniń Xúrmet jarlıǵı menen sıylıqlanǵan.
    S. Pirjanov 1978-jıldan Jazıwshılar awqamınıń aǵzası.