BILINBEYDI

Ómir degen demde-aq ózgeredi,Jaqsını da,Jamandı kóz kóredi.Adamlardıń shaytanı, ázázúli,Birewge iyne,Birewge biz beredi.

Hawa rayı kewildiń qubıladı,Bir de janıp,Bir gezde suwınadı.Adamlardıń shaytanı tiyse paydań,Sonda ǵana qoltıqqa tıǵıladı.

Biri seni maqtaydı kúnge teńep,Sóytip júrip awzıńdı alar shenep.Oǵan kerek hámeliń,Óziń emes,Dos bolıwǵa izleydi túrli sebep.

Ómir solay jaralgan,Kim bilmeydi,Birew jılap,Birewler kúlimleydi.Azázúller júrgen soń aramızda,Kim ekeni olardıń bilinbeydi.