1948–2014
Saǵındıq Nietullaev — shayır.
S. Nietullaev 1948-jılı Moynaq rayonında tuwılǵan. 1971-jılı Tashkenttegi respublikalıq rus tili hám ádebiyatı pedagogikalıq institutın, 1985-jılı Tashkent mámleketlik universitetiniń yuridika fakultetin pitkergen. Ol yuridika ilimleriniń doktorı, professor, Qaraqalpaqstan Respublikasına miyneti sińgen yurist.
Miynet jolın Moynaq rayonında orta mektepte muǵallim bolıp islewden baslaǵan. Sońınan Moynaq rayonlık jaslar komitetinde bólim baslıǵı, partiya komitetinde instruktor, Ózbekstan Respublikası Ministrler Keńesinde aǵa referent, Ózbekstan Respublikası Oraylıq komitetinde instruktor, Kanlıkól rayonlık hám Nókis qalalıq partiya komitetiniń birinshi xatkeri, Qaraqalpaqstan Respublikası Ministrler Keńesi baslıǵı, Qaraqalpaqstan obkomınıń birinshi xatkeri, Qaraqalpaqstan Respublikası Ádillik ministri, Qaraqalpaqstan Respublikası Jokarǵı Keńesiniń Sekretariat baslıǵı, Salıq bas baskarması baslıǵınıń orınbasarı lawazımında islegen. Házirgi kúnde ol Qaraqalpaqstan Respublikası Kásiplik awqamları shólkemleri birlespesiniń baslıǵı bolıp islep atır. Ol 1989-1994-jılları Ózbekstan Respublikası Jokarǵı Keńesiniń hám eki márte Qaraqalpaqstan Respublikası Joqarǵı Keńesiniń deputatı bolıp saylandı. S.Nietullaevtıń talantlı shayır sıpatında “Men saǵan ashıqpan” (1980), “Gúlzar”(1992), “Jaksı tilek” (2004), “Ómir xaqqında oylar” (2006), “Táǵdir” (2007), “Elim meniń” (2007), “Usı eldiń perzentimen” (2008), “Qádirińde, qımbatıń óz elinde” (2009) sıyaqlı poeziyalıq toplamları basılıp shıqtı.
S. Nietullaev 1995-jıldan Jazıwshılar awqamınıń aǵzası.