Bilgiń kelse xalqım qaraqalpaqtı,Dos diydarın saǵınıwdan tanırsań.Atasınday sıylap áziyz qonaqtı,Adam janın uǵınıwdan tanırsań.
Qonaq kelse quwanadı qarakeń,Úyiledi bawırsaǵı, shóregi.Aq peyili aspannan da bolıp keń,Úyge sıymay sháwkildeydi juregi.
Qonaq kelse qádirli sıy-húrmetin,Kórsetkenshe meniń Xalqım asıǵar.Jeti atadan kiyatırǵan dáwletin,Dasturqanǵa qonaǵına usınar.
Hal sorasıp qonaq penen sóylesse,Kuúlimleydi gewdesiniń quyashı.Nama tıńlap qobız benen tillesse,Selkildeydi ǵarrılardıń qurashı.
Qonaq penen birge keler bereket,Qonaq kelse kóbeyedi azımız.Tórimizge sıyıp pútkil mámleket,
— XX ásir qaraqalpaq poeziyası antologiyası
Bilgiń kelse xalqım qaraqalpaqtı,Qıyqıw salıp sahrada at shabadı.Iygilikke aylandırıp talaptı,Mártebeniń shıńlarına shıǵadı.
Bir kún qonaq kelmey qalsa úyine,Taǵamınıń duzı kemdey kóriner.Qonaq kelse qásiyetli tórine,Kewilinen nur-sáwleler sebiler.
Adam janlı, tuwısqan hám bawırman,Mal ósirer, egin eger, salar aw.Ul, qızları bir shetinen qaharman,Janına jat eki sóylew, Jjatırqaw.
Bilgiń kelse xalqım qaraqalpaqtı,Dos diydarın saǵınıwdan tanırsań.Sıylap, kutip jeti jasar qonaqtı,Nárestege baǵınıwdan tanırsań.