1922–1990
Qarmıs Dosanov — shayır hám jazıwshı.
Q. Dosanov 1922-jılı 15-mayda Xojeli qalasında tuwılǵan. Usı qaladaǵı mektep-internatta oqıydı hám tárbiyalanadı. 1940-jılı Tórtkúldegi pedtexnikumdı pitkerip “Qaraqalpaqstan ádebiyatı hám iskusstvosı” jurnalında isleydi. Ol ekinshi jáhán urısı qatnasıwshısı.
Urıstan qaytqan soń rayonlıq, oblastlıq Jaslar komitetinde, “Jas Leninshi” gazetasında jumıs isledi. Tashkenttegi partiya mektebin pitkeredi (1950-1953). Moskvadaǵı joqarı ádebiy kursta oqıydı. 1957-58-jılları “Qaraqalpaqstan” baspasında kórkem ádebiyat bólimin basqaradı, 1958-63-jılları Jazıwshılar awqamında juwaplı xatker boldı. 1964-jıldan ómiriniń aqırına shekem respublikalıq televidenie hám radio esittiriw komitetinde isledi.
Q. Dosanovtıń “Qızıl bayraq” (1952), “Shayır hawazı” (1954), “Tań samalları” (1959), “Qádirli gúlzar” (1968), “Sahra sháshmeleri”(1983), “Pervaya tropinka” (1957) jıynaqları sonday-ak ózbek, tájik tillerinde toplamları basıldı.
Onıń “Azamatlar”, “Qamıslıqtaǵı sawash”, “Shamurat ata”, “Ámiw aǵısı”, “Birinshi salyut”, “43-jıldıń jazı edi” «Razvedchik» degen povest hám romanları basılǵan. “Aral hawazı” pesası teatr sahnasında qoyıldı.
K. Dosanovtıń “Kamıslıqgaǵı sawash”, “Shamurat ata” povestleri rus tilinde basılǵan. Ol jawıngerlik orden hám medallar menen sıylıqlanǵan.
Q. Dosanov 1955-jıldan Jazıwshılar awqamınıń aǵzası.