Bul qúdiret, bul káramat Watandı,Qalay etip til ushınan súyerseń?Durıslıraq bir is etpey tutamlı,Súyemen dep qalay bastı iyerseń?

Kewliń ketken, hátteki bir janandıEkilenbey súyer bolsań eger sen.Aqtara almay birden kewil xanańdı,Mıń tolǵanıp mashaqatın shegerseı.

Aldımdaǵı usı jalǵız qosıqtı,Jazıw ushın tolǵandım men qanshama?Kim súymeydi ańsat waqtı xoshlıqtı?Men bolmayın onday joldı ańsaǵan.

Adamıyzat áwladınıń ishinde,Kózabaǵa súygen bar ma anasın?Men kórmeyin, hátte onı túsimde,Dáslep meniń isim elge unasın.

Suwıǵı ma, ıssısı ma — qatań ba? —Kúyer bolsam, men durıslap kúyeyin.Anamday bul ózi jalǵız Watandı,Jalǵız tuwǵan perzent bolıp súyeyin.

Men bir jolawshıman, hár kún azanda,Uyimnen shıǵıwdan jolǵa túsemen.Jol zawıq baǵıshlar bárha adamǵa,Men joldı súyemen, joldı kúseymen.

Haq jolawshı bolǵan tek bir men emes,Hárkim óz ómirine ózi jolawshı.Jolı tawsılǵanın hesh kim qálemes,Hárkim óz ómirinde baxtın sınawshı.

Hárkim mezgilinde qonıp, túslenip,Hárkim jolǵa shıǵar jaqın-jıraqqa.Adassa eger de ernin tislenip,Hámme siltew alıp barar bir jaqqa.

Kimler atlı barar, kimler qayıqlı,Kimler samolyotta, kimler mashında.Kimler jayaw barar, etpe ayıplı,Hárkim jolın júrer ózi qashan da.

Awa, jolawshıman, hár kún azanda,Úyimnen shıǵaman, jolǵa túsemen.Jol zawıq baǵıshlar bárha adamǵa,Men joldı súyemen, joldı kúseymen.