Marat Qarabaev — shayır.
M. Qarabaev 1934-jılı 22-martta Tertkúl qalasında tuwılǵan. Ol Nókis medicinalıq uchilishesin pitkergennen soń 1966-73-jılları Moynaqta, Nókiste medicinalıq mákemelerde isledi. 1973-79-jılları “Jetkinshek” gazetasında bólim baslıǵı, 1979-83-jıllarda “Qaraqalpaqstan” baspasında kórkem ádebiyatlar bólimin basqardı, sońınan Qaraqalpaqstan Jazıwshılar awkamında kórkem ádebiyattı násiyatlaw byurosında isledi. Ol Qaraqalpaq mámleketlik pedinstitugın tamamlaǵan.
    M. Qarabaevtıń 1962-jılı “Gúlzar”, 1968-jılı “Gúmis shıqpar”, 1970-jılı “Meniń birinshi dostım”, 1976-jılı “Tolǵan ay”, 1979-jılı “Aprel shuwaǵı”, 1982-jılı “Altıń bosaǵa”, 1973-jılı “Semser” atlı qosıqlar hám poemalar toplamları hám “Qaratorǵay” prozalıq kitabı basılıp shıqtı.Abduraxman-al Xamisiydiń “Gagarin meniń qalamda” (1965), M. Tvenniń “Gúrrińler”in (1969), A. Bartonıń “Seniń bayramıń” (1969), K. Chukovskiydiń “Moydodır” (1971), Rudakiydiń “Ǵázzel hám rubayıların” (1976), P. Nerudanıń “Qashqın” (1978), M. Kanaattıń “Stalingrad sazası” (1980), Shekspirdiń “sonetler” in (1981) qaraqalpaq tiline awdardı. M. Qarabaevtıń bir qansha awlarmaları “Júrekten júrekke” (1983) degen at penen de óz aldına toplam bolıp basıldı.
    M.Qarabaev 1977-jıldan Jazıwshılar awqamınıń aǵzası.