HAQÍYQATLÍQ HAQQÍNDA

Tabındırmas bálentligi tawdıń da,Baǵındırmas jawızlıǵı jawdıń da.Tájim etip, iyilemen tek ǵana,Qúdiretli haqıyqatlıq aldında!

Hár adamda — óz tańbası, óz meńi,Kewil tınshır, jamanlasaq ózgeni.Mıń jalǵan sóz óltirse de qorıqpayman,Tiriltedi bir haqıyqat sóz meni.

Izley berseń tabılmaydı kimlerden —Jaratılıs azlı-kópli min bergen.Mıń ósekshi jıynalsa da bir zalǵa,Haqıyqatlıq orın bermes minberden.

Jollarımda qansha ósek ańlıwda,Kelmes oǵan sirá názer salǵım da.Meni atsa da eńterilip qulayman,Óz anamday haqıyqatlıq aldında!