Aqdárya — nege atandıń,Suwıń shiyrin boldı ma?Aw salıp júrgen atamnıń,Iship miyri qandı ma?
Aqdárya — nege atandıń,Aq peyilmedi mineziń?Aq marqaǵa atamnıń,Toltırdıń ba kemesin?
Aqdárya nege atandıń,Aq kóbikpedi tolqınıń?Atıńa bólep atamnıń,Aldıń ba aq jelqomın?
Aqdárya nege atandıń,Suwıń ásbek boldı ma?Shıǵırı bolmay atamnıń,Jaǵańa zarlap bardı ma?
Aqdárya nege atandıń,Etegiń elge toldı ma?Baxıtı gúrlep atamnıń,Ármanı bárjay boldı ma?