Júrgen - dárya deydi, otırǵan - boyra,Júrdek ayaqlardı jollar hám súygen.Ǵarrılar oylasa ne túspes oyǵaDiywal qısıp keter shıqpasań úyden.
Jatqanǵa ne aytar tósek hám dastıq?Mezgilsiz qartaymaq - ómirge qaslıq,Baxıtlı ǵarrılıq - ekinshi jaslıq,Misli kesh túskende atqan tań deymen.
Búlbil qus balasın alıp janına,Sayrawdı úyreter palapanına ...Qalmayın dep jas áwladtıń shańına,Kúni-túni qálem tartarsań deymen.
Men hayranman baz bir shayır doslarǵa,Sharshadım der shıqpay atıp asqarǵa.Sol ishten qartayıp tuwǵan jaslarǵaJasarıwdıń jolın aytarsań deymen.
Kóz áynekti súymes nuranıy kóziń,Kewilge zawıq berer kóp aytqan sóziń,Paxtadan - Shamurat, qosıqtan - óziń
— Búlbil uyası
Alpıstan asqansoń azıw ketilse,Qaptalınan jetkinshekler jetilse,Zaman dańqı ushın talap etilse,Kosmosqa hám barıp qaytarsań deymen.
El japqan eltiri boyǵa shaq deydi,Xalıq súygenniń nesibesi naq deydi.Qartlar Sizge qusap jasarsaq deydi,Al men sizdey bolıp qartaysam deymen