Ulları pirge bergisiz,Qızları húrge bergisiz.Baxıtı bálent bul eldiń,Altın, zer, dúrge bergisiz.

Sózi bir antqa bergisiz,Duzı bar qantqa bergisiz,Dúzi bar qántke bergisiz,Ellik qalası bul eldiń.

Torǵayı bálent shırlaydı,Shayırı janıp jırlaydı.Tawısqa berer ırǵaǵın,Bul eldiń sazı shıraylı.

Muhabbat nurdıń uyası,Bardur kewlinde quyashı,Joqdur qádiriniń qıyası,Zulqarnayınǵa da bergisiz.

***

..Baǵda qalganlardı oyıńa alıp,Talıqqan payıtımda, qashqanda xoshım.Tartpa shılbırıńdı moynıma salıp,Saygúlim, suw tulparım, jan dostım!

Júwen tuta almasam, taqımım talsa,Astına taslamasa júdá awırdıń.Taplap ketpe meni, kewlimdi ǵumsha,Saygúlim, suw tulparım, bawırım!

Waqıtsha kelgenbiz bir-birimizge,Birge tuwmaǵan soń usı dá kúniń.lyem bul táǵdirdi usınǵan bizge,Saygúlim, suw tulparım, súyiklim!