Hikmetulla Ayımbetov

    Hikmetulla Ayımbetov — shayır hám jazıwshı.
H. Ayımbetov 1948-jılı 2-sentyabrde Taxtakópir rayonında, Taxtakópir awılında tuwılǵan.
Ol 1972-jılı Qaraqalpaq mámleketlik pedagogikalıq institutın tabıslı pitkergennen soń “Jetkinshek” gazetasında, “Ámiwdárya” jurnalında, Qaraqalpaqstan televidenie-radio esittiriwleri komitetinde isleydi.
1991-jıldan “Árman” ádebiy gazetasınıń redaktorı lawazımın atqaradı.
    2003-2005-jılları Ájiniyaz atındaǵı Nókis mámleketlik pedagogikalıq institutında qaraqalpaq tili oqıtıwshısı bolıp isledi.
    Házirgi waqıtta húrmetli dem alısta hám dóretiwshilik isler menen shuǵıllanıp atır.
H. Ayımbetovtıń “Jalǵız terek”(1976), “Tıńlanızlar” (1985), “Úlken shańaraq” (1991), “Aq qaǵaz” (1993) poeziyalıq kitapları, “Qarabuwra” (1998), “Taxtakópir ullı dárbent ústinde”(2007) romanları basılıp shıqtı.
    Ol Pushkin, Lermontov, Mayakovskiy ( “Jaqsı” 1983) rus xalqınıń “Igor atlanısları haqqında dástan” shıǵarmaların, Á.Súyinniń qosıqlar toplamın awdarıp óz aldına baspadan shıǵardı.
    H. Ayımbetov 1991-jıldan Jazıwshılar awqamınıń aǵzası.