Elimniń baylıǵın meniki deymen,Xalqımnıń qúdiretin meniki deymen.Men olsız bir qanatı joq kógershin,Shadlıǵın, qayǵısın meniki deymen.
Bostanlıǵım jáne inabatım ol,Sulıwlıǵım, erkim, zor aybatım ol.Perzentlik kewlimde dáryaday tasqan,Eń qızǵın, eń kúshli muhabbatım ol.
Kórgen waqta seniń quwanǵanıńdı,Bir qúdiretli kúsh biyleydi janımdı.Seniń altın tańlarıńnan alǵanman,Analıq baxtımdı, qız dáwranımdı.
Shad zamannıń sáwlesi bar kózińde,Kewliń tolı quwanıshlı sezimge.Mártlik miynetińdi kórgen waqtımda,Gúlayımday márt sezemen ózimdi.
Kewil yoshım qosıqlarım seniki,Girshiktey namısım-arım seniki.Men olsız bir qanatı joq kógershin,
— XX ásir qaraqalpaq poeziyası antologiyası