JOLLAR

Jollarda jalǵasıp kóp arzıw-tilek,Qanshama jer astıq márdana alǵa.Xalqım aytshı maǵan — jolıń bolsın dep,Sen tilek etpeseń jolım bolar ma?

Jollarǵa shıǵarman baxıtımdı izlep,Hawada usharman, suwlarda júzip,Qansha sapar sheksem shıńlardı gózlep,Jollarda talmadım úmitimdi úzip.

Jollardan úzilmey arzıw-úmitim,Ishqıda júregim janǵan part bolıp.Jollarda tabılıp uzaq kútkenim,Jolda yarım kútken kózi tórt bolıp.

Jollar shaqıradı esapsız-sansız,Dúnyanıń mıń túrli táshwishi onda.Táǵdirler toǵıspas, ómir joq jolsız,Hárdem sapardaman, niyetim jolda.

Sebebi, jollarda túrli adamlar,Jaqsılardı kórdim, janıma mádet.Joldas penen ónip sátli qádemler,Qanshama dos taptım, bolıp duz-dámek.

Maqsetime jetim ǵola ianshı,Dúnyanıń qızıǵın, ráhátin kórip,Jol menen jasarman dınya turǵansha,Júrek qızǵınların áwladqa berip.