Ómir tawı asıqtırdı, qıstadı,Eńbeklewden bilegimnen usladı.Óz tóbemde oralaman degenshe,Azap shegip, kózdi talay jasladım.
Birew ayttı: júrer jolıń anda dep,Birew ayttı: joqsań ele sanda dep.Kele-kele joyıtılǵan keleptiń,Ushı shıqtı: eń baslısı nanda dep!
Min joq eken xalqımnıń kózinde,Danalıq hám aqıl tolı sózinde —Jetiw ushın jetim bolıw shárt emes,(Biziń bastan ol da ótti gezinde!).
Quwga aralas janadı eken jasta kóp,Ómir qızıq. Gúller, hasıl tas ta kóp.Asqınlasam araladım áwliye,Oqıǵınman. Bunda qalǵan bas ta kóp.
Qapa bolsam aǵın suwdı jaǵalap,Dem alǵanman qara tastı saǵalap.Qızıqpadım mártebege, orınǵa,
— XX ásir qaraqalpaq poeziyası antologiyası
lyinim menen kóterdim salǵandı,Unatpadım kelse wájden qalǵandı.Bas kespek bar, til kespek joq dúnyada,Haqıyqatlıq jeńer dedim jalǵandı.
Erterek tuwılǵanǵa qusayman,Órligimnen jedim bazda pushayman.Aljastım, aldandım, uwıldım,Júyrigimdi nesine men tusayman!
Dáw jotalar meni kókke kótermeń,Qulasam biyikten, tınıp ótermen.Seksewildiń shaqasınday shart etip,Qayısıw bilmesem, sınıp ketermen.
Saqamdı alshı tur dep úlegenmen,Tún uyqımdı tórt bólip túlegenmen.Qayrap, qálem tartqandı qızǵanbadım —«Gúzarıń keń bolsın»! — dep tilegenmen.
Qatarlassa demedim: mayırarman,Abırayıńnan ayranday ayırarman.Azeli doynaǵına bergen bolsa,Onı qalay jolınan qayırarman.
Ózim bilgen júyriktiń birparası,Alleqashan tanıttı aq, qarasın.«Shayır» degen lawazım bermese de,Qudayım, kórsetpegey sóz jarasın!...
Ańlamay tiken kirdi ayaǵıma,Ele tarta beremen bayaǵıma.Xalqım-aw, saǵım quwǵan sahrayıman,Bilmeymen jeterimdi qayaǵıńa.
Qıyalıma álemdi aylanaman,Oy túbine jete almay oylanaman,Mal jıymay, sóz jıǵan qıyın eken,Retinde bir qılǵa baylanaman.
Talayım, bunsha qıynap saǵan nettim,Uslatpaysań degende jańa jettim.Uhnilip iyne menen qazǵan qudıq,Shól qandırmay qulasa bádár kettim.
Maqtanbayman jazsam da Jjazarımdı,Tiri júrsem kórersiz bazarımdı.Qáytse de jas ortaǵa kelip qaldı,Oqırman, óziń silte gúzarımdı!