Men súyermen ósken jerdi, ótken jaslıq gezlerim,Ayasında rawaj etken balalıǵım bazarın,Men súyermen quldıraǵan qulın seslerin,Hám qasıma qıya túsken qızlar názerin.

Men súyermen nızam bilmes asqar tawlar dizbegin,Jasırınıp oynawların jıltır bulaqtıń,Túngi pútkil qúdiretli dúnya kórinislerin,Sharq aylanıp shalqıp aqqan dárya raxtın.

Sıńsır toǵay turqın súyer kórer kózlerim,Men súyermen qara jerdi qayra basıp júrgendi.Teńizlerdiń saltanatlı terbelislerin,Jaratılıs kóz aldımda janım bolıp túrlendi.

Qıyal júyrik: juldızlardı maǵan nusqaydı,Men súyermen gózzal yardı, súymeslikke dadım yoq.Jangenemdi jazıqlıqlar meniń qozǵaydı,Hám shınlıqtı súydim, olsız hesh nársede qádir yoq.