ÓZBEKSTAN – ÓZ ELATÍM, ÓZ ELIM

Oraylıq Aziya, birligi — óziń,Turan, Túrkstannıń túńligi — óziń, —Baxıt bosaǵası, doslıq dárbenti, —Afrasiab, Maverennaxr, Xorezm,Qonsam — uyam, ushsam — aspanım meniń,Óz elatım, Ózbekstanım meniń.

Bir túbirden ónip-óstik bárimiz,Din ortaq, til ortaq, káspi-kárimiz.Al-Beruniy Áplatuni ilimniń,Xoja Axmed Yassawiy payǵambarımız.Sen — duwa darıǵan bostanım meniń,Óz elatım, Ózbekstanım meniń.

Saqıpqıran Ámir Temur «Kóregen»,Deshti Qıpshaq jerin dańqqa bólegen.Babur, Nawayılar — dara danıshpanUlıǵbek juldızǵn «barıp túnegen».Aspan álemine tuńǵısh jol ashqan,Sen — Samarqand, shoq juldızı ál-aspan.

Aq biyday, aq gúrish — daqıl, dánimiz,«Aq altın» — aq jalaw, sawlat-sánimiz.Aymaǵında «Ullı jipek jolı» bar,Zarafshan, Kenimex — altın kánimiz.Alhamdulla mánzil-mákanım óziń,Túrkstan der — ortaq Watanım óziń.

Gárezsiz el boldıq, erkin shańaraq,Doslardan bet burıp ketpeymiz biraq.Bir shınardıń sayasında jasaymız, —Ózbek, qaraqalpaq, orıs hám qazaq,Túrkmen, qırǵız benen túbimiz tuwısqan,Ulıwma úyimiz — Turan, Túrkstan!

Bizdi búgin pútkil dúnya tán aldı,Milliy maqtanıshım qayta oraldı.Hadal miynet, doslıq, birlik, bereket,Nızam, ádep-ikram, tártip jańardı,Jurtbası jaratqan jáhánim meniń,Ózbekstan — ortaq Watanım meniń.

Endi «kóylegiń kók», kewliń toq seniń,Ar-namısıń súttey taza, aq seniı.Biyǵárez biynuqsan, biypayan bostan,Maqsediń, Muradıń, mustajep seniń,Qátebi bir tutas kárwanım meniń,Ózbekstan — altın qırmanım meniń.

Huqıq mámleketin dúzemiz endi,úzimizdi bálent sezemiz endi.Meniń Konstituciyam — meniń qorǵanım,Keldi ádilliktiń gezegi endi,Dinim, diyanatım, hújdanım meniń,Ózbekstan demek — iymanım meniń.

Andijan, Namangan, Surxan, Ferǵanam, —Qaraqalpaq, Qashqadárya óz balań.Sırdárya, Nawayı, Jizzax jám bolıp, —Túrkstandı tiklep otır qaytadan.

Buxara, Samarqand, Kaabam Xorezm, —Túrkstannıń túp saǵası — sen óziń.Shırshıq— Shabbaz, Qońırat, Shımbay, Xojelim,Ózbekstan — óz elatım, óz elim!

Azat ómir, abadanlıq aymaǵı,Aziyada aǵartıwdıń qaymaǵı.«Keleshegi — Ullı, Azat Abadan»,«Ruwxıy Tashkent», — (járezsizlik bayraǵı!Mustaqıl mámleket, muqaddes Watan,Ózbekstan, Ózbekstan, máńgi bol aman!