Bar ma eken, aytıń, doslıqııń shegi?Doslıq — sheksiz, doslıq — megzes okeanǵa!Biraq ta bir dostım, tap barday kegi,Hesh xabarın aytpay, tiyip júr janǵa.

Xat jazdım bir emes, bir neshe ret,Telefonǵa shaqırıp ta kórdim men.Biraq ta doslıqtan ketip bereket,Dosqa hayran boldım — «jan dospan» degen.

Ashıwlandım endi, men-menlik tutıp:«Qoydım, — dedim, — bunday ótirik dostı!»Biraq ta júregim, dińkemdi qurtıp,Sóz bermedi maǵan, aldımdı tostı:

— Toqta! — dedi, — oylan, álpayım bol,Shın dos bolsań, dostan gúderdi úzbe!Dostıń umıtsa da, sen soz oǵan qol,Ayıptı dos emes, ózińnen izle!...

— Yaqshı! — dep umıttım bárin giyneniń,Joqtay — aq júrekti jeńgendey tirek.Biraq ta bilmedim, dostım da meniń,Bar ma bunday júrek — shókkishli júrek?!