Jigit-jelenlerdiń kóz nurın alıp,Sen gózzal qız boldıń gúldey dolanıp,Birew-birewimizden seni qızǵanıp,Bizler málellesip, sen kúlip kettiń.
Hámme qardar edik saǵan ol waqta,Atteń, bir sırlaspay kettiń awlaqta,Bárimiz túydey qatar bolsaq ta,Bizlerden burın sen erjetip kettiń.
Essiz balalıǵım, essiz jaslıǵım,Basıma jetti-aw, boyaw boslıǵım,Sırttan bir pay bolıp júrgen ashıǵım,Bizlerge qatırıp pánt berip kettiń.
Sen kettiń-aw, ketkenińe nalındım,Jigitler de kewilsiz bolıp qaldı dım.Jarasıǵı, kórki bolıp awıldıń,Sońınan tórkinlep, bir kelip kettiń.
— XX ásir qaraqalpaq poeziyası antologiyası