Ómirim, ketpegil biyhuwda ótip,Kewlińde ándiyshe hám zerde barda.Jáhán biyhuwsh bolsın ózinen ketip,Ózi keshirmegen burqasın halǵa.
Tańırqant! Biymálel tóte jol menen —Jónep baratqannıń bárin tańırqant?!Ómirge kelejaq, ele kelmegen,Kelmegen, kelejaq nálin tańırqant!
Usti er, eziwi júwen kórmegenDónendey dónisten aspanǵa sekir!Biykar buǵawlaymız degen ter menen,Tershigeniń sayın teńizdey lepir!
Iyesin izlegen inkóz paydaday,Bir badam qaltaǵa bar daǵı, jalp et.Yaki, ho jıllarǵı Ámiwdáryaday —Bet aldıń qaraǵan tamandı ǵarq et!
Jaslıǵım-jigerim, qullası kálam,Tınısh okeanday tunshıqpa hár dem.Dúnyada bir waqta hadal hám haram,Jáne bir waqıtta haqıyqat, ǵárrem.
Vulkanday barıńdı aspanǵa atıp,Ishten shıǵ?armasań qanday da háwir.Barmaǵın tislegen baladay natıq, —Bolıp ótpespeken búgingi dáwir?!