Tajiaxmet Seytmamutov

    Tájiaxmet Seytmamutov—shayır.
T. Seytmamutov 1905-jılı Shımbay rayonındaǵı Besjap awılında tuwılǵan. Ol Tórtkúl pedtexnikumın pitkerip Tamdı rayonında miliciya bóliminiń baslıǵı, Shımbayda jaslar komitetiniń xatkeri boldı, Tashkenttegi redaktorlardıń kursın pitkerdi, “Qızıl Qarakalpaqstan” gazetasında redaktordıń orınbasarı, redaktor bolıp isledi. Partiya institutında okıdı, Shımbay rayonlıq partiya ko- mitetinde bólim baslıǵı, mádeniyat isleri baskarmasında, “Sovet muǵallimi” gazetasında redaktor bolıp xızmet etti.
T. Seytmamutov ekinshi jáxán urısınıń katnasıwshısı, ol urıstan sońǵı jılları Oblastlıq partiya komitetinde instruktor, keyingi jılları ómiriniń aqırına shekem “Sovet Qarakalpaqstanı” gazetasında isledi. Shayırdın dáslepki shıǵarmaları 20-jıllardın aqırında járiyalana basladı. Onın “Kabıl qallash” (1928), “Azat kız” (1938) pesaları saxnaǵa koyıldı. Shayırdıń “Sawǵa” (1933), “Karakól” (1930), “Qaxarman” (1946), “Súyemen” (1956), “Ómir yoshı” (1963), “Jetimnen jetilgenler” (1991) degen toplamları baspadan shıqtı.
T. Seytmamutov “Dank” ordeni xám medallar, Qaraqalpaqstan Respublikası Joqarǵı Keńesiniń Húrmet jarlıqları menen sıylıkdanǵan. Ol “Ózbekstan Respublikasına miyneti sińgen mádeniyat xızmetkeri” degen xúrmetli ataqqa iye edi.
    T. Seytmamutov 1934-jıldan Jazıwshılar awqamınıń aǵzası.