Waqıt! Samalmısań, saǵımbısań, ya?!Seni kimler eglep, kimler uslaǵan?!Seniń qullıǵıńda qumbıl bul Dúnya! —Seniń qıstaǵanıń mudam qıstaǵan!Mınaw Ay hám Quyash, juldızlar yańlı,Jemisi emesseń Jaratılıstıń!Waqıt! Sıyqırmısań aqshamlı, tańlı,Ómir, ólim be edi seniń ırısqıń?ıWaq-ıt! Kim ózińnen aman qaladı,Óziń dóretkenge óziń arazsań?!Jasaw, túrlendiriw, jenshiw — talabıń,Óziń — Máńgilikke — hám jebir qarazsań!Qatal húkimińnen untalıp tawlar,Okean máńgi muzǵa baylanıp attı!Uńgir-gúńgir-gúńgirrr!...Tasırlap saylar,Maymıl insaniyatqa aylanıp attı!Televıshkalarday záwlim daraqlar,Dónip ketip atqan tasqa, kómirge!Tastan yadroǵa shelli jaraqlar,...Kelip, ketip atır neshshe ómirler!Quslar bolǵan emish «TU..» day taynapır,Bizge qalǵan emish miyttay maketi!Waqı-ıt! Bolarmısań bunsha ayǵapır,Óziń dórettiń de óziń ákettiń!Sennen kek alıwǵa qast etken Insan,On eki maqluqqa qılıp deńgene!,Dal-dal etti seni júz túwe mıńsan,Kárin isley berdi qúdiret sendegi!Untap aydan mikro sekundqa shekem,Quwdı jayaw, atlı, raketalı!...Qádiriń jannan áziyz, nurdan júyrikseń,Waqıt-ıt! Neseń óziń, aytıp ber anıq?!Álle mamontpısań tawǵa qashalǵan!Tilla tabıtımeń Nefretitanıń?!Kimler qutıla alǵan tozıw-jazańnan,Kimler Máńgiligi mınaw Dúnyanıń?!Waqıt-ıt! Gomermiseń, Arximedpiseń?!Sırlı nerglifpeń papirustaǵı?ıNege, kimler ushın soqtıń sen kisen!Waqı-ıt, semser soqqan qaysı tustaǵıń?!Waqı-ıt, dáwranımeń faraonlardıń,Almas qırlarımeń piramidanıń?!Waqı-ıt, sayasımeń sallanǵan dardıń,Kimge-gúltaj, kimge-kisen sıyladıń?!Kóshken kárwanbediń jańǵur-juńǵırlı,Óshken ármanbediń, aytıp ber, Waqı-ıt?!Nege dárkar edi sonshelli qırǵın?!Qırshın ketkenlerdi qaytıp ber, Waqı-ıt?!Dizim dárkarmedi mármer tastaǵı,Ne sen, skeletler paradımısań?!Waqı-ıt, tógilmesin kózden jas taǵı,Kelseń, nur bolıp kel Jaratılısqa!