Rasbergen Jabbarbergenov 1941-jılı 15-yanvarda Kegeyli rayonınıń Jalpaqjap awılında tuwılǵan. «Miynette ayrıqshalıǵı ushın» (1976) medalınıń iyesi. Nókis mámleketlik pedagogikalıq institutınıń tariyx filologiya fakultetiniń til hám ádebiyat bólimin tamamlaǵan (1961—1968). 1976—1977-jılları Tashkentte joqarı partiya mektebinde oqıǵan. Dáslepki balalarǵa arnap jazǵan qosıqlar toplamı 1972-jılı «Úkelerim» atamasında basılıp shıqqan. «Shıńlar shaqıradı» (1974), «Jaǵıs» (1979), «Saǵımlar» (1992) poeziyalıq toplamları jarıq kórgen. Ayırım qosıqları «Toqqiz torǵay» (1980) toplamında ózbek tilinde járiyalanǵan.