Kórsem baylıǵı mol, biyik oyıńdı,Toqsan túrge taratasań oyımdı,Ámiwdáryam, «Aq altın»lı boyıńdı,Bárha-bár nurlanǵan jazǵa megzettim.
Qandırıp boz, sańıraw-sahra jerimdi,Quwandırǵan qız-kelinshek, erimdi,Buyra tolqın, appaq kóbiklerińdi,Júzgen aqquwlarǵa, ǵazǵa megzettim.
Tarmaǵıń taralıp, órkenlep óstiń,Elimniń jaynaǵan nurları ústin,Sıńǵırlaǵan aǵıslarıńnıń sestin,Jáhándi jańlatıp sazǵa megzettim.
Tıń jerlerge mayday jaqqanlarıńdı,Oy jerlerge tayday shapqanlarıńdı,Aldıńa boy taslap aqqanlarıńdı,Súygen sulıwdaǵı nazǵa megzettim.
Emip aq sútińdi, iship suwıńdı,Ne shól, jáziyralar qayta tuwıldı,Altın baylıǵıńdı, kólde suwıńdı,Janıma jaǵımlı házge megzettim.