Joldaslarım, Qaraqalpaqstannıń,Taza hawasını bayan áyleyin.Ishinde kógergen baǵı-bostannıń,Taza qalasını bayan áyleyin.
Kóshesi qıyaban qatara terek,Túrli aǵashı bar bárisi kerek,Mısalın qıdırıp tappadım derek,Bagǵı-baqshasını bayan áyleyin.
Baǵların birneshe baǵmanlar baǵar,Túrli miywası bar janıńa jaǵar,Ortadan Qızketken máwjirep aǵar,Ámiwdáryasını bayan áyleyin.
Kelin-qızlar tisi inji-dúr shıǵar,Awzındaǵı slıqqan jaqtı nur shıǵar,Qarap kórsem anıń ózi húr shıǵar,Qáddi-ziybasını bayan áyleyin.
Issı emes, suwıq emes hawası,Nazı-naǵmetleri, naldıń hawası,Esitseńiz hárkún naǵman nawası,Zawqı-sapasını bayan áyleyin.