Hadallıq baqshasın sayranlaǵanday,Kókte qanat qaǵıp tınbay aq quwlar.Samal julqıp alıp qashqan sharshıday,Aydıń ústin sharıqlaydı, aq quwlar.
Aq mamıqtay aydınlarǵa shashılǵan,Sayran etiń arıw qızday, aq quwlar.Qanatıńa kóz toyatım asılǵan,Maǵan ilham berip ketiń, aq quwlar.
Aq otawda Ajiniyazdıń namasın,Tıńlap turıp moyın burǵan, aq quwlar.Eske salıp báhárdiń aq lalasın,Júregime tolqıw salǵan, aq quwlar.
Sharıqlańız, qanatıńız talmaǵay,Bawır basıń keń aydınlı kólime.Jurt álemde maqtap júrgen paxtaday,Appaq turqıń pitkey daǵı kewlime.