Nurmuhammed Ámetov — shayır.
1942-jılı 3-sentyabrde Taxtakópir rayonı “Ózbekstan” fermer xojalıǵında tuwılǵan.
    1958-jılı “Andreev” atındaǵı orta mektepti tamamlaǵannan soń, Buxara sawda texnikumın (1958-60) pitkeredi. Miynet jolın 1960-jılı Qaraqalpaqstan Respublikası tutınıwshılar jámiyetinde jumıs islewden baslaydı.
    1968-jılı Nókis mámleketlik pedagogikalıq institutınıń filologiya fakultetine oqıwǵa kiredi.
1993-jıldan Qaraqalpaqstan Respublikası Joqarǵı Keńesiniń mámleketlik qadaǵalaw inspekciyasında bas inspektor bolıp jumıs isleydi.
    Házirgi kúni ol xúrmetli dem alısta. Onıń birinshi dóretpeleri xázirgi “Qaraqalpaqstan jasları” hám rayonlıq gazetalarda járiyalana baslaydı.
    N. Ámetovtıń “Ilham” (1982), “Dáwran” (1985), “Íǵbal” (1988), “Sırlı bulaq sháshmesi” (2002) poeziyalıq toplamları basılıp shıqtı.
    Ol “Ózbekstan Respublikasınıń Húrmet jarlıǵı”n (1982), “Qaraqalpaqstan Respublikasına miyneti sińgen mádeniyat xızmetkeri” húrmetli ataǵın (1995) alıwǵa miyasar boldı.
    N. Ámetov 1995-jıldan Jazıwshılar awqamınıń, 1997-jıldan Jurnalistler awqamınıń aǵzası.