Zawqı sapa súrseń shámenzarlarda,Búlbúller hawazı qulaqqa keler.úumsha gúl ırza bop atqan tańlarǵa,Jas sókit jel menen áste terbeler.
Iynińdi qawsırıp geji oraypek,Misli kann gúline uqsar tańdaǵı.Kózleriń sır giznep saqlaydı ádep,Maǵan darımassań jeyranday taǵı.
Yoshıp qosıq aytsań talǵa súyenip,Janım, jetegińe ergim keledi.Arman teńizinde ıǵbalıń kúlip,Turǵan álpetińdi kórgim keledi.
Waqıt ótken sayın kewlim asıǵar,Saǵan alıp ushar asaw qıyalım.Sezim jeńgen waqta aqıl baǵınar,Bile almay janın qayda qoyarın.
Ańǵıtqa shappasın adam adasıp,Aldaw aydawında bende bolmasın.Ǵayrı birewlerge wáde baylasıp,Óz gúlin birewler julıp almasın.
Rawa kórmeymen mıń qız jilwasın,Qarap turǵanıńa áynek aldında.Hárgiz kewillerde girbiń bolmasın,Kózim jumılǵansha óziń yadımda.