JASLÍǴÍMA NÁZER SALÍP QARASAM
Joldasbay DilmuratovJaslıǵıma názer salıp qarasam,Kóz aldımda gúldey jaynap turasań.Íshqı sırın bayan etsem mudamı,Qosıǵıma óziń qanat bolasań.
Ótkenlerdi yadqa alsam oylanıp,Otıraman quwanıp, gá qıylanıp.Geyde ózimdi ábden yoshlı sezemen,Jaslıq dáwir kelgen yańlı aylanıp.
Atıń yadta turar qayda júrsem de,Doslar menen birge oynap, kúlsem de.Kópten beri qıyalımdı biylegen,Saǵan taza súyiwshilik bar mende.
Súysem seni shın berilip júrekten,Siz shıǵarsız dep oylayman tilekten.Sizge bolǵan, sizge degen ıqlasım,Kewilimde súyiwshilik dóretken.
Búlbúl ashıq bolǵanınday gúllerge,Doslıǵımız zawıq berdi bizlerge.Kewlim tasıp quwanıshlı qarayman,Esten shıqpas sol qızıqlı kúnlerge.
— XX ásir qaraqalpaq poeziyası antologiyası