Ullı ómirdiń jańalıǵı,Kútkendey-aq jetip keldi.On eki daraq,Qırq segiz putaq,Úsh júz alpıs bes shaqadan,Jıldırımday ótip keldi.
Jarqırap keldi jańa jıl,Watanda sayrap jas búlbúl,Jańa kúnim, jańadan til,Tańlayıma pitip keldi.
Kórdik mine jıldıń basın,Kim atqardı wazıypasın?Ótken jumıstıń bahasın,Hárkimlerge berip keldi.
Kórdik jańa jıl alabın.Kewildegi jumıs babın,Aldaǵı istiń talabın,Esińizge salıp keldi.
Sınalǵanlardıń erligin,Watannıń jańa keńligin,Hámmeniń iste birligin,Quwanıshta aytıp keldi.