Jańabayday palwan-shayır jaratqan,Qosıq penen arıwlardı qaratqan,«Aqsúńgil»di duyım jurtqa taratqan,Qaraqalpaqta belli elseń, Kegeyli.
Ataqlı Seytniyaz ustanı kórgen,Qaraqalpaq duwtarına til bergen,Jigitler Sapalaq palwanǵa ergen,Bahadırlar jurtı-elseń, Kegeyli.
Atızları dóngen-gilemdey ǵalı,Sende dańq kótergen Bákir, Mátalı,Jerińde ırǵalar paxta hám salı,Baylıqlarǵa tolı elseń, Kegeyli.
Arqada burqırap aǵar Aqtuba,Qızları shetinen gózzal aq quba,Topıraǵı ǵáziyne, jeri ushıǵa,Jurtı, xalqı abad elseń, Kegeyli.