Is palwanı barlıq qız hám kelinshek,Askerlerden keldi búgin harmasın!Bas-basına aytqan eken jekpe-jek,Depti harmasınnan bári qalmasın.

Harmasın ishinde aytqan sózleri,Hárkimniń súyikli qumar kózleri,Aq mańlay, alma bet, arıw júzleri,Keler kelmek pe dep qapa bolmasın.

Jaw jaǵında qatar turıpbız qorshap,Bir orındı jıǵamız bir ursaq,Biz frontta, siz elatta umtılsaq,Jumır polat, aq bilekler talmasın!

Harmasın biz ayttıq qız benen jeńge,Bir ǵmna paxtańız bizge mıń teńge,Jawdı jıǵıp, bir kún shıǵarmız keńge,Kelinshek, jeńgzemiz, qurbı-qurdasım.

Sizler jaynap oynap-kúlip júrgende,Atızlardan hasıl ónim bergende,Sizlerden bizlerge járdem kelgende,Mıń-mıńǵa tay keler, bir qara basım.

Asınǵan jaraqlar boylarımızda,Jeńistiń maqseti oylarımızda,Bas qosarsız shadlıq toylarımızda,Doslıqtıń nıshanı yadtan qalmasın.

Xalıq ǵamı ushın, bizler júrmiz frontta,Sizler járdem qılsań, bizge elatta,Keshikpey jetermiz maqset-muratqa,Qız-kelinshek orınlasa normasın.

Sizler ishte, bizler sırtqı panańız,Balalar, qızlar, ǵarrı, ata-anamız,Front ushın tergen hárbir qanańız,Dushpanlarǵa ájel oǵı qorǵasın.

Bizden tiyip almas nayzanıń ushı,Bosandı dushpannıń naǵız bel kúshi,Hár jerde toǵayda onı-on besi,Jan sawǵa dep, panalap júr bir basın.

Bekitken ókshesin buzıp qopardıq,Ísırıp Kievke taman apardıq,Qural-awqatların túsirip aldıq,Oq-dári tasıǵmn mashina arbasın.

Tutqınǵa túsirdik neshshe mártlerin,Samolyot, tankasın-pulyometlerin,Almawıt, qanazat hasıl atların,Qolǵa aldıq jılqı menen jorǵasın.

Armiyamız kúnnen-kúnge pát aldı,Zalım dushpan óz peylinen shataldı,Kinoshı, súwretshi túsirip aldı,Urıstaǵı sawashlardıń formasın.

Hár túskende bir júz mıńnan kemi joq,Qolǵa túsken dushpanlardıń ebi joq,Dep jılaydı bul awırıwdıń emi joq,Patshamız aljıǵan — deydi sor basım.

Dushpan bizge kóp jamanlıq oylaǵan,Qansha mákkar menen jollar baylanǵan,Záhár salǵan talay qazan qaynaǵan,Tógip júrmiz, eti menen sorpasın.

Házir alıp turmız jaydıń qolayın,Tutqınǵa túsirdik onıń talayın,Názerimiz ortalıqta orayın,Buzamız oyranlap jawdıń ordasın.

Gazettiń júzinen awhal sorańız,Dushpan jaqqa kózdi tigip turamız,Keshe-kúndiz tınbay, segbir uramız,Jılamay ishsin, — dep balalar jarmasın.

Bul sózdiń xabarı haslı fronttan,Jaw qaytarıp turǵan qaytpas polattan,Qurbı-qurdasların saǵınıp aytqan,Sonıń menen tamam boldı harmasın.